പ്രളയ ദുരിതാശ്വാസത്തിന് 3048 കോടി

ന്യൂഡൽഹി: കേരളത്തിൻെറ പ്രളയ ദുരിതാശ്വാസത്തിന് 3048 കോടി രൂപയുടെ സഹായധനം പ്രഖ്യാപിച്ച് കേന്ദ്ര സർക്കാർ. ആഭ്യന്തര മന്ത്രി രാജ‍്‍നാഥ് സിങിൻെറ അധ്യക്ഷതയിൽ ചേർന്ന യോഗത്തിലാണ് തീരുമാനം. മന്ത്രിസഭാ ഉപസമിതിയാണ് യോഗം ചേർന്നത്. 

ധനമന്ത്രി അരുണ്‍ ജെയ്റ്റലി, കൃഷിമന്ത്രി രാധാമോഹന്‍സിംഗ് എന്നിവരും സമിതിയിലെ അംഗങ്ങളാണ്. പ്രളയ ദുരിതാശ്വാസത്തിന് കേരളത്തിന് 2500 കോടി രൂപ അനുവദിക്കണമെന്ന് നേരത്തെ കേന്ദ്ര ആഭ്യന്തര സെക്രട്ടറി റിപ്പോർട്ട് നൽകിയിരുന്നു. ഇത് കൂടി പരിഗണിച്ചാണ് തീരുമാനമെന്നാണ് സൂചന. 

600 കോടി രൂപ കേരളത്തിന് കേന്ദ്രം നേരത്തെ അനുവദിച്ചിരുന്നു. ഈ തുക നിലവിൽ പ്രഖ്യാപിച്ച സഹായത്തിൽ ഉൾപ്പെടുമോയെന്നത് വ്യക്തമല്ല. കേന്ദ്ര ദുരിതാശ്വാസ നിധി വഴിയായിരിക്കും കേരളത്തിന് സഹായം ലഭിക്കുക. കേരള പുനർനിർമാണത്തിന് 31000 കോടി രൂപ ആവശ്യമുണ്ടെന്നാണ് യുഎൻ ഏജൻസിയുടെ റിപ്പോർട്ട്. 

RELATED STORIES