യുഎഇയില്‍ കനത്ത മൂടല്‍മഞ്ഞ്; ജാഗ്രതാ നിര്‍ദ്ദേശം പുറപ്പെടുവിച്ചു

ദുബായ്: യുഎഇയിലെ വിവിധ നഗരങ്ങളില്‍ കനത്ത മൂടല്‍മഞ്ഞ്. ഇന്ന് രാവിലെയോടെയാണ് വിവിധ ഭാഗങ്ങളില്‍ ശക്തമായ മൂടല്‍മഞ്ഞ്അനുഭവപ്പെട്ടത്. റോഡില്‍ ദൂരക്കാഴ്ച കുറവായതിനാല്‍ വാഹനം ഓടിക്കുന്നവര്‍ അതീവ ജാഗ്രത പുലര്‍ത്തണമെന്ന് ദുബായ് റോഡ്സ് ആന്‍റ് ട്രാന്‍സ്പോര്‍ട്ട് അതോറിറ്റി മുന്നറിയിപ്പ് നല്‍കിയിരിക്കുകയാണ്. 

അല്‍ ദഫ്ര ഏരിയ, അബുദാബിയുലെ അല്‍ ഷവാമേഖ്, ഷാര്‍ജ, അല്‍ മക്തൂം അന്താരാഷ്ട്ര വിമാനത്താവളം അടക്കമുള്ള സ്ഥലങ്ങളിലാണ് കനത്ത മൂടല്‍മഞ്ഞ് റിപ്പോര്‍ട്ട് ചെയ്തിരിക്കുന്നത്. വരുംദിവസങ്ങളിലും രാജ്യത്ത് കനത്ത മൂടല്‍മഞ്ഞിന് സാധ്യതയുള്ളതായി കാലാവസ്ഥാ നിരീക്ഷണ വിഭാഗം അറിയിച്ചു. 

RELATED STORIES