கல்விக் கட்டணம் 3 மடங்கு உயரும்! அண்ணா பல்கலை அதிர்ச்சித் தகவல்

வரும் கல்வியாண்டு முதல் அண்ணா பல்கலைக்கழகத்தில் எஞ்சினியரிங் படிப்புகளுக்கான கல்விக் கட்டணங்கள் 20,000 வரை உயர்த்தப்பட உள்ளன. 

அண்ணா பல்கலைக்கழக பதிவாளர் குமார் இது குறித்து வியாழக்கிழமை அளித்த பேட்டியில், “விலைவாசி உயர்வு, பேராசிரியர்களுக்கு ஊதிய உயர்வு, உள்கட்டமைப்பு வசதிகளை மேம்படுத்துவது போன்ற பல்வேறு காரணங்களால் பி.இ. கல்விக் கட்டணத்தை மூன்று மடங்கு உயர்த்த அண்ணா பல்கலைக்கழகம் பரிந்துரை செய்துள்ளது” எனக் கூறினார். 

மேலும், “பல்கலைக்கழகத் துறைகள் மற்றும் பல்கலைக்கழகத்துடன் இணைப்புப் பெற்றுள்ள 500-க்கும் அதிகமான பொறியியல் கல்லூரிகளில் படிக்கும் மாணவர்களுக்கு ஒரு பருவத்துக்கான (6 மாதங்கள்) கல்விக் கட்டணம் 8,500 ரூபாயிலிருந்து 20,000 ரூபாயாக உயர்த்தப்படும்.” என்று கூறிய குமார், பொறியியல் கல்லூரி நிர்வாகிகளின் கோரிக்கை, பல்கலைக்கழக வளர்ச்சி ஆகியவற்றை கருத்தில் கொண்டு முடிவு எடுக்கப்பட்டதாகவும் தெரிவித்தார். 

பல்கலைக்கழகம் இதற்கான பரிந்துரையை அரசுக்கு அனுப்பியுள்ளது என்றும் அரசின் ஒப்புதல் கிடைத்துதம் 2019-20-ஆம் கல்வியாண்டு முதலே கட்டண உயர்வு அமல்படுத்தப்படும் என்றும் அவர் குறிப்பிட்டார்.
"கடந்த 20 ஆண்டுகளில் கட்டணத்தை உயர்த்தவே இல்லை. எந்த கல்வி நிறுவனத்திலும் கட்டண உயர்வு தவிர்க்க முடியாதது. சில ஆண்டுகளுக்கு முன் ஐஐடி-களில் 25,000 ரூபாயாக இருந்த கல்விக் கட்டணம் இப்போது ஒரு லட்சம் ரூபாய்க்கு மேல் அதிகரித்துள்ளது." என அண்ணா பல்கலைக்கழகத்தின் துணை வேந்தர் சூரப்பா தெரிவித்தார். 

RELATED STORIES